অসমৰ মাননীয় মুখ্যমন্ত্ৰী তথা অসম গৃহ বিভাগৰ দায়িত্বত থকা শ্ৰীযুত হিমন্ত বিশ্ব শৰ্মা মহাশয়ে জনোৱা মতে 2023ত অসম আৰক্ষী বিভাগত আকৌ নতুন পদৰ বিজ্ঞাপন ওলাব।সেই ক্ষেত্ৰত শাৰীৰিক পৰীক্ষাৰ দিনাখন মৰমৰ ভাই-ভন্টীসকলে নিজকে কেনেকৈ সাজু কৰাব তাৰে ওপৰত অলপ আভাস দিবলৈ যত্ন কৰিলোঁ।
#সফলতাৰআঁৰৰঅভিজ্ঞতাৰ_কাহিনী
অসম আৰক্ষী AB&UB কনিষ্টবল পদৰ শাৰীৰিক সক্ষমতা পৰীক্ষা আৰম্ভ হবলৈ গৈ আছে। শাৰীৰিক সক্ষমতা পৰীক্ষাত ভাল ফলাফল লাভ কৰিবলৈ মোৰ অভিজ্ঞতাৰ ভিত্তিত আপোনকৰ বাবে ধ্যান দিবলগীয়া কেইটামান কথা ::
আপোনালোকে প্ৰত্যেকেই নিজৰ নিজৰ সপোনৰ প্ৰথম পৰ্য্যায়ৰ পাতনি মেলিবৰ বাবে ৰাতিপুৱা সোনকালে উঠি পৰিষ্কাৰ হৈ জ্যেষ্ঠ জন তথা ওপৰৰ নেদেখাজনৰ আশীৰ্বাদ শিৰত লৈ ইমানদিনীয়া ধৈর্য্য,ত্যাগ আৰু কষ্টৰ বলত গঢ়ি উঠা আত্মবিশ্বাসেৰে নিজৰ প্ৰদৰ্শন কৰিবলৈ আগবাঢ়ি যাবলৈ ওলাইছে,গতিকে শ্ৰদ্ধা আৰু পৰিপাটি আগত।
- আপোনালোকৰ প্ৰৱেশ পত্ৰ মতে যিবিলাক নথি-পত্ৰ বিচাৰিছে সেইবিলাকহে লগত লৈ যাব। দশম আৰু দ্বাদশ শ্ৰেণীৰ প্ৰমানপত্ৰ ৰ লগতে প্ৰাৰ্থীসকলক পৰিচয় প্ৰমাণৰ সৈতে তেখেতসকলৰ এডমিট কাৰ্ড প্ৰদৰ্শন কৰিবলৈ পৰামৰ্শ দিয়া হৈছে (আধাৰ কাৰ্ড/ ভোটাৰ পৰিচয় পত্ৰ/ ড্ৰাইভিং লাইচেঞ্চ ইত্যাদি)নিজৰ CASTE/EWS/NCC আদি অতিৰিক্ত যিবিলাক নথি-পত্ৰ আছে সেইবিলাক ও লগত লৈ যাব।
- নথি-পত্ৰ বিলাক আচল আৰু জেৰক্স কপি লগতে জেৰক্স কপিত স্ব-স্বাক্ষৰিত থকা হব লাগিব। কভিড’ পৰিস্থিতিৰ প্ৰতি লক্ষ্য ৰাখি আপোনালোকে ভালকৈ নিয়ম মানি চলিব আৰু প্ৰত্যেকেই সামাজিক দূৰত্বৰ শৃংখলা তথা মাস্ক পৰিধান কৰিব।
- যিমান পাৰে লগত পানী,গ্লুকজ/নেমু পানী,ব্ৰেড ,ভলিনী আদি লগত লৈ যাব আৰু যদি অনুমতি তথা সুবিধা মিলে এইখিনিৰ ব্যৱহাৰ কৰিব পাৰিব।
- আপোনালোকৰ যেতিয়া জোখ-মাখ লব ভয় নকৰিব সাধাৰণ অৱস্থাত থাকিবলৈ চেষ্টা কৰিব।
- দৌৰ আৰু দীঘল জাঁপ মৰাৰ সময়ত নিজৰ আত্মবিশ্বাস লৈ পৰিয়ালৰ মুখৰ হাঁহিৰ কথা ভাবি হে নিজৰ উত্তম দিবলৈ চেষ্টা কৰিব।দৌৰাৰ সময়ত কিছুমানৰ 3km যোৱাৰ পিছত হয়তো শৰীৰে টান ধৰিব পাৰে কিন্তু সেইখিনি সময়ত কোনেও হাৰ নামানিব দেই কাৰণ সেইটোৱে আপোনালোকৰ অন্তিম প্ৰয়াস হবগৈ।অন্তিম এক চেকেণ্ড,দুই চেকেণ্ড এ আপোনালোকৰ জীৱন বনাই দিব,নহ’লে ইমানদিনীয়া কষ্টবোৰ সেইখিনি সময়তে নিঃশেষ হৈ যাব পাৰে।
- দৌৰাৰ সময়ত প্ৰতিটো পাকৰ হিচাপ ধুনীয়াকৈ মনত ৰখাৰ চেষ্টা কৰিব ।তাতে আপোনালোকৰ সময় বা পাকৰ হিচাপ কোনেও জনাই নিদিব পাৰে।আনহাতে,প্ৰতিটো পাক সম্পূৰ্ণ কৰাৰ সময়ত 1জন বা 2 জনকৈ প্ৰাৰ্থীক অতিক্ৰম কৰিবলৈ চেষ্টা কৰিব । এটা নিৰ্দিষ্ট বেগত দৌৰিব আৰু প্ৰতিটো পাক সম্পূৰ্ণ কৰাৰ সময়ত যিটো 15/20 মিটাৰ থাকিব সেইখিনিত নিজৰ নিজৰ বেগ বঢ়াবলৈ চেষ্টা কৰিব আৰু আকৌ সামান্য বেগত আহিব।(অভিজ্ঞতাৰ ভিত্তিত)
- দৌৰৰ সময়ত যিবিলাক সা-সৰঞ্জাম দিব সেইবিলাকত ধ্যান ৰাখিব আৰু ভালকৈ পিন্ধিব।
- দৌৰ সম্পূৰ্ণ কৰাৰ পিছত নিজৰ ভৰি বিষাব পাৰে ,পাৰিলে তৎক্ষণাত ভলিনী দি মালিচ কৰিব নাইবা অলপ ব্যায়াম কৰি লব তথা নিজৰ শ্বাস-প্ৰশ্বাস শান্ত কৰিব পৰা ব্যায়াম কৰিব ।
- দীঘল জাঁপ মৰাৰ সময়ত আপোনালোকে 3 বাৰ হে সুযোগ পাব । আপোনালোকে যিমান পাৰে প্ৰথম সুযোগতে অধিক জাঁপ মাৰিবলৈ চেষ্টা কৰিব । এবাৰ জাঁপ মৰাৰ পিছত পৰৱৰ্তী সময়ত গাত ইমান বল নাথাকিবও পাৰে বা কমি যাবও পাৰে । জাঁপ মৰাৰ সময়ত আঁচ ডাল অতিক্ৰম নকৰিব,আপোনালোকে যিমান পাৰে আঁচডালৰ পৰা অলপ আঁতৰৰ পৰাহে জাঁপ মাৰিবলৈ প্ৰয়াস কৰিব।দৌৰাৰ সময়ত গাৰ ভাৰসাম্য যদি বেয়া হয় আঁচ ডাল অতিক্ৰম নকৰি আঁচডালৰ ওচৰৰ পৰা ঘূৰি আহিবলৈ চেষ্টা কৰিব।আনহাতে যিকোনো কাম কৰাৰ গাতে ভয় নকৰি আপোনালোক প্ৰত্যেকেই নিজৰ নিজৰ অনুশীলনৰ ভিত্তিত আত্মবিশ্বাস লৈ নিজৰ প্ৰদৰ্শন দিব।
- এইবাৰ AB পদৰ হৈ এটা নতুন পৰীক্ষাৰ মাজেৰে পাৰ হব লাগিব যিটো হল “Chin Up”,মানে দীঘল সৰঞ্জাম এডাল নিজৰ দুবাহুৰে ধৰি জোৰত নিজৰ দেহাটোক সময় অনুযায়ী বা আদেশ অনুযায়ী উঠা নমা কৰা এটা পৰীক্ষা।বিজ্ঞাপনৰ মতে নিম্নতম 4 বাৰ মাৰিব পাৰিলেহে প্ৰাৰ্থীজন আগুৱাই যাবলৈ সক্ষম হব,4 বাৰতকৈ কম হলে বিফল বুলি ধৰা হব।14 বাৰ মাৰিব পাৰিলে সম্পূৰ্ণ নিৰ্ধাৰিত নম্বৰ পাবলৈ সক্ষম হব।
- সৰ্বশেষত,আপোনালোকে লাভ কৰা নিজৰ নিজৰ নম্বৰমূহ ভালকৈ চাব,কিবা যদি অসুবিধা পাই তেনেহ’লে তৎক্ষণাত তাতেই ঠিক কৰাই লব।আপোনালোকে য’ত চহী মাৰিব তাৰে লিখা খিনি ভালকৈ চাব আৰু পঢ়িব
…….প্ৰতিযোগিতাৰ যুগ,আপুনি যিমান বেছি নম্বৰ উঠাব সিমানেই লিখিত পৰীক্ষাৰ বাবে সুযোগ মিলিব।আপোনালোক প্ৰত্যেকেই যদি এনকৈ সক্ৰিয় হৈ নিজৰ নিজৰ ভাল প্ৰদর্শন দাঙি ধৰিব পাৰে তেনেহ’লে ঘৰত গৈ নিজৰ সুখবৰ বাৰ্তা দিব পাৰিব।কাৰণ আপোনালোকে ঘৰৰ জ্যেষ্ঠ জনৰ আশীৰ্বাদ, নেদেখাজনৰ আশীৰ্বাদ নিজৰ শিৰত লৈ আহিছে সেইখিনি যাতে ঘৰত গৈ নিজৰ ভাল খবৰ দিব পাৰে তাৰে কামনা কৰি আপোনালোক সকলোৰে ইমানদিনীয়া কষ্ট আৰু ত্যাগৰ বিনিময়ত ভাল ভাল খবৰ আহক আৰু নিজৰ নিজৰ সপোনৰ পদৰ পাতনি মেলিব বুলি আশা কৰিছোঁ।আপোনালোক সকলোৰে মংগল হওঁক তাৰ বাবে বহুত বহুত শুভকামনা ,মৰম, শ্ৰদ্ধা,সাহস তথা আশীৰ্বাদ।
✊জয় অসমীয়া জোৱান✊
🚔🇮🇳জয় হিন্দ🇮🇳🚔
